Viðskiptaleyndarmál
13. mál á 151. löggjafarþingi.
Ferðamála-, iðnaðar- og nýsköpunarráðherra.
Markmið
Að innleiða tilskipun ESB um vernd gegn ólögmætri öflun, notkun og birtingu viðskiptaleyndarmála og sjá til þess að kröfur tilskipunarinnar séu uppfylltar í íslenskum rétti. Að styrkja réttarvernd viðskiptaleyndarmála, gera handhöfum þeirra auðveldara að leita réttar síns og að einfalda stofnanaumgjörð á sviðinu með afnámi stjórnsýslueftirlits.Helstu breytingar og nýjungar
Um er að ræða innleiðingu tilskipunar (ESB) 2016/943 um viðskiptaleyndarmál. Auk innleiðingar á tilskipuninni eru lögð til ný úrræði til verndar viðskiptaleyndarmálum og lagt til að refsimörk verði hækkuð. Einnig er lagt til að eftirlit Neytendastofu verði afnumið. Þá er gert ráð fyrir afnámi stjórnsýslueftirlits með öflun, notkun og afhjúpun viðskiptaleyndarmála.Breytingar á lögum og tengd mál
Um er að ræða ný lög en við gildistöku laganna verða breytingar á stjórnsýslulögum, nr. 37/1993, lögum um lausafjárkaup, nr. 50/2000, lögum um neytendakaup, nr. 48/2003, lögum um eftirlit með viðskiptaháttum og markaðssetningu, nr. 57/2005, lögum um opinber skjalasöfn, nr. 77/2014, og lögum um ráðstafanir til hagkvæmrar uppbyggingar háhraðafjarskiptaneta, nr. 125/2019.Kostnaður og tekjur
Ekki er gert ráð fyrir neinum fjárhagsáhrifum á ríkissjóð.Afgreiðsla
Samþykkt með breytingum sem eru tæknilegs eðlis og ekki ætlað að hafa efnisleg áhrif.Aðrar upplýsingar
Tilskipun Evrópuþingsins og ráðsins (ESB) 2016/943 frá 8. júní 2016 um verndun trúnaðarupplýsinga um sérþekkingu og viðskiptaupplýsinga (viðskiptaleyndarmál) gegn ólögmætri öflun, notkun og birtingu þeirra.
Löggjöf á Norðurlöndum
Danmörk
Lov om forretningshemmeligheder
LOV nr 309 af 25/04/2018.
Finnland
Lag om företagshemligheter
10.8.2018/595.
Noregur
Lov om vern av forretningshemmeligheter (forretningshemmelighetsloven)
LOV-2020-03-27-15.
Svíþjóð
Lag om företagshemligheter (
2018:558).
